Kosova dhe Izraeli mbyllin pa gola pjesën e parë në Prishtinë

Pjesa e parë e takimit mes Kosovës dhe Izraelit në stadiumin «Fadil Vokrri» në Prishtinë është mbyllur me barazimin 0-0. Përfaqësuesja e Kosovës ka shfaqur nivel të lartë loje gjatë këtij fraksioni, duke iu afruar disa herë shënimit përmes Kreshnik Hajrizit, Edon Zhegrovës, Milot Rashicës dhe Lindrit Kamberit, i cili qëlloi edhe transversalen me kokë në fund të pjesës së parë.

Në anën tjetër, ekipi izraelit nuk ka shfaqur rrezikshmëri të lartë, duke regjistruar vetëm disa gjysmëraste gjatë 45 minutave të para. Të dyja skuadrat do të kërkojnë golin e fitores në pjesën e dytë të kësaj përballjeje.