Si përfaqësoi muzikën shqiptare Kori i TKOBAP-it në Festivalin e Kantos në Itali?
Artistët e TKOBAP-it përfaqësuan muzikën shqiptare në edicionin e 36-të të festivalit në Savigliano, krahas koreve nga Roma, Milano dhe Torino.
SAVIGLIANO — Kori i Teatrit Kombëtar të Operës, Baletit dhe Ansamblit Popullor (TKOBAP) solli për publikun italian perlat e muzikës shqiptare në edicionin e 36-të të Festivalit të Kantos në Savigliano, Itali.
Në këtë festival morën pjesë kore të njohura nga Roma, Milano dhe Torino. Artistët e TKOBAP-it u pritën me entuziazëm, duke përcjellë përmes tingujve të gjuhës shqipe identitetin dhe pasurinë e muzikës kombëtare.
Mbrëmja u përmbyll me interpretimin e përbashkët të “Va, pensiero”, duke krijuar një moment bashkimi artistik mes pjesëmarrësve. Kori do të kthehet sërish në skenë sonte dhe nesër.
Burim: Zëri
— Redaksia ZHURMA
