Çfarë theksoi Konjufca në Tuz për shqiptarët e Malit të Zi?
Ministri në detyrë i Jashtëm zhvillon takim me përfaqësues institucionalë në Tuz dhe thekson përkushtimin e Kosovës.
Redaksia ZHURMA · · Përditësuar · 1 min lexim
TUZ — Ministri në detyrë i Punëve të Jashtme dhe Diasporës, Glauk Konjufca, ka zhvilluar një takim në Tuz me përfaqësues të institucioneve të Malit të Zi dhe përfaqësues shqiptarë, shoqëruar nga Ambasadorja Ariana Zherka.
Në takim morën pjesë Zëvendëskryeministri dhe Ministri i Zhvillimit Ekonomik të Malit të Zi, Nik Gjeloshaj, Ministri i Administratës Publike, Marash Dukaj, Nënkryetari i Kuvendit, Nikollë Camaj, Kryetari i Komunës së Tuzit, Lindon Gjelaj, dhe Sekretari i Shtetit, Naim Gjokaj.
"Shqiptarët e Malit të Zi janë pjesë e pandashme e kombit tonë dhe Republika e Kosovës do të jetë gjithmonë pranë tyre", ka theksuar Konjufca pas takimit.
Burim: Zëri
— Redaksia ZHURMA
