Kompany: Bayerni synon ta fitojë Championsin
Kompany e tha haptas nga Hong Kongu, ku bavarezët po përgatiten për edicionin e ri.
HONG KONG — Vincent Kompany e ka bërë publik për herë të parë synimin e Bayernit: ta fitojë Ligën e Kampionëve në edicionin e ardhshëm. Trajneri belg foli nga Hong Kongu, ku bavarezët po qëndrojnë në kuadër të përgatitjeve për sezonin e ri.
“Tani mund t’iu them atë që nuk do ta them më gjatë edicionit. Në këtë pikë, do të thosha që synimi ynë është ta fitojmë Ligën e Kampionëve. Ne duam ta fitojmë Ligën e Kampionëve, nuk ka dyshime për këtë”, ka thënë Kompany.
“Kicker” shkruan se është e logjikshme që Bayerni synon Championsin, por vëren se Kompany nuk e kishte thënë më parë haptas. “Gjatë edicionit do t’u them që duhet të koncentrohemi në ndeshjen e ardhshme, pasi nuk mund ta fitosh Championsin në shtator apo tetor”, ka shtuar ai.
Burim: Koha.net
— Redaksia ZHURMA
