Vazhdo leximin
⌕ ☆
Politikë

Komisioni i Venecias vjen në Shkup për provimin e jurisprudencës

Delegacioni do të shqyrtojë ndryshimet e propozuara në Ligjin për Provimin e Jurisprudencës dhe përdorimin e gjuhëve.

Redaksia ZHURMA · · Përditësuar · 2 min lexim

SHKUP — Më 26 dhe 27 nëntor, në kryeqendrën e Shkupit do të qëndrojë një delegacion i Komisionit të Venecias për të shqyrtuar ndryshimet e propozuara në Ligjin për Provimin e Jurisprudencës, me theks te përdorimi i gjuhëve gjatë dhënies së provimit. Raportuesit do të mbledhin informacione e argumente nga institucionet, ekspertët dhe studentët përpara përgatitjes së opinionit juridik, i cili është bërë kusht i Qeverisë për ta procesuar zgjidhjen ligjore në Kuvend.

Komisioni i Venecias vjen në Shkup për provimin e jurisprudencës
Foto: alsat.mk

Delegacioni përbëhet nga Janneke Gerards nga Holanda, Mārtiņš Mits nga Letonia, Andreas Paulus nga Gjermania dhe eksperti Mattia Zeba. Ata do të zhvillojnë takime ndaras me përfaqësues të shumicës parlamentare dhe opozitës, si dhe me Ministrinë e Drejtësisë, anëtarët e Komisionit për Provimin e Jurisprudencës, organizata të shoqërisë civile, organizata ndërkombëtare dhe me mbështetjen e Zyrës Programore të Këshillit të Evropës në Shkup.

Një pjesë e veçantë e vizitës u kushtohet universiteteve dhe studentëve, ku përfaqësuesit do të takohen me dekanët e pesë fakulteteve juridike, përfshirë Universitetin «Shën Kirili dhe Metodi» në Shkup, Universitetit të Tetovës, Universitetit të Evropës Juglindore, Universitetit Ndërkombëtar Vizion dhe Universitetit Ndërkombëtar Ballkanik. Megjithatë, pavarësisht mendimit të Komisionit, opozita shqiptare ka paralajmëruar se nuk do ta mbështesë, duke pamundësuar votimin e ligjit meqenëse shumica parlamentare nuk ka badenter.

Lexo edhe

Më shumë →
Facebook WhatsApp X
Gjeni një gabim? Na shkruani dhe e korrigjojmë
LIVE Bregu i Diellit 2 Prishtinë 19 kamera →

Koleksione · të dhëna të verifikuara

Vazhdo me më të lexuarat sot

Përditësuar

  1. KEDS: Ndërprerje të rrymës të mërkurën për shkak të punimeve

    27% e leximeve arrijnë 75% të artikullit kronike

  2. Arrestohet i dyshuari për vrasjen në Suharekë

    36% e leximeve arrijnë 75% të artikullit kronike

Pyet Zhurmën
Shërbime, enciklopedi dhe lajme