Gjeten 4 trupa në Jabukë të Vogël, dyshohet se janë viktima lufte
Mbetjet mortore dërguhen në Institutin e Mjekësisë Ligjore për identifikim me ADN; gërmimet vazhdojnë në Kalludër.
ZUBIN POTOK — Komisioni Qeveritar për Persona të Zhdukur ka njoftuar se gjatë gërmimeve më 3 gusht 2026 në Jabukë të Vogël, në Komunën e Zubin Potokut, u gjetun dhe zhvarrosun mbetjet e katër personash, të cilat sipas vlerësimeve fillestare i përkasin viktimave të zhdukjes me forcë gjatë luftës.
Mbetjet mortore jane dërguar në Institutin e Mjekësisë Ligjore për ekzaminime të mëtejshme mjekoligjore, përfshirë identifikimin përmes analizës së ADN-së. Gërmimet ishin kryer nga ekspertët e Institutit bashkë me ekspertët e EULEX-it të angazhuar në kuadër të IML-së, me përkrahjen e Policisë së Kosovës, institucioneve të sigurise dhe drejtësise, dhe Shoqatës për Kërkim-Shpëtim.
Komisioni ka theksuar se do të vazhdojë gërmimet vlerësuese në lokacionin e varrit masiv në Kalludër, ku punimet ishin zhvilluar edhe gjatë javës së kaluar, si dhe në lokacione të tjera të shënjuara. Ky është lokacioni i dytë ku gërmimet merrin vend pasi në Jabukë të Vogël u mbaruan punimet e ditës.
Përfaqësuesit e Komisionit e njoftuan se mbeten të përkushtuar për ndriçimin e fatit dhe vendndodhjes së personave të zhdukur me forcë gjatë luftës, duke punuar në koordinim me institucione vendore dhe partnerët ndërkombëtarë për mbushjen e së drejtës së familjeve për të ditur fatin e më të dashurve të tyre.
Burim: Zëri
— Redaksia ZHURMA