Komandanti i forcave të rendit në Shkodër në gjendje të rëndë shëndetësore pas goditjes…

SHKODËR — Fasli Rama, i cili shërben si komandant i forcave të rendit në policinë e Shkodrës, është nisur me urgjencë drejt Tiranës për shkak të gjendjes së tij të rëndë shëndetësore. Ai rrezikon jetën pasi pësoi një plagë të rëndë në kokë gjatë përleshjeve mes efektivëve dhe protestuesve që ishin mbledhur para policisë vendore të Shkodrës.

Punonjësi i policisë u godit me gur në kokë gjatë kësaj përleshjeje. Ngjarja vjen në kuadrin e protestave që po zhvillohen për të tretën ditë në Tiranë dhe disa qytete të tjera të Shqipërisë, të cilat janë shoqëruar me tensione, përplasje, hedhje të mjeteve piroteknike e sendeve të forta ndaj institucioneve, si dhe përdorim të gazit lotsjellës e autobotëve me ujë nga policia për shpërndarjen e turmës.