Çfarë diskutuan komandantët e KFOR-it dhe ushtrisë italiane?
Gjeneralmajor Ozkan Ulutash priti në Prishtinë gjenerallejtënant Gianluca Carai të NRDC-ITA për të diskutuar mjedisin e sigurisë.
PRISHTINË — Gjeneralmajor Ozkan Ulutash, komandant i KFOR-it, ka pritur në selinë e KFOR-it në Camp Film City gjenerallejtënant Gianluca Carai, komandant i Korpusit të Vendosshëm të NATO-s – Itali (NRDC-ITA). Sipas njoftimit zyrtar të KFOR-it, takimi u fokusua në situatën e sigurisë në rajon.
Ulutash rikonfirmoi angazhimin e KFOR-it për të ruajtur një mjedis të sigurt dhe të qetë për të gjithë banorët e Kosovës, duke theksuar se kjo bëhet në çdo kohë dhe në mënyrë të paanshme. Ai shprehu gjithashtu vlerësimin për kontributin e gjatë të Italisë në misionin e udhëhequr nga NATO.
Burim: Zëri
— Redaksia ZHURMA