Çfarë zbulon KDI-ja për shpenzimet e fushatave politike?

PRISHTINË — Eugen Cakolli nga KDI, i ftuar në emisionin Pressing në T7, tha se mbi gjysma e fushatës zgjedhore zhvillohet nëpërmjet rrjeteve sociale. Ai renditi pesë lloje fushatash: të partive, të kandidatëve, të faqeve personale, të palëve të treta dhe reklama të targetuara.

Por subjektet politike, tha ai, raportojnë vetëm "një porcion të vogël" të shumës së përgjithshme të shpenzimeve. Prania e rrjeteve sociale, sipas Cakollit, ka ndikuar edhe në rritjen e kostove — duke lënë jashtë raportimit shumën kryesore të parave të shpenzuara.

Burim: Gazeta Express
— Redaksia ZHURMA