Kayserispori zyrtarizon Florent Hasanin dhe Taulant Seferin
Hasani vjen pas 18 golave me ekipin Amed, ndërsa Seferi shënoi 16 herë për Bodrumin gjatë sezonit të kaluar.
KAYSERI — Klubi turk Kayserispor ka zyrtarizuar sot transferimin e dy futbollistëve shqiptarë, Florent Hasanin dhe Taulant Seferin. Afrimi i dy sulmuesve të cilët do të luajnë në Superligën turke pritet të forcojë repartin ofensiv të kësaj skuadre për sezonin e ri.
Reprezentuesi i Kosovës, Florent Hasani, vjen te Kayserispor pas eksperiencës me klubin Amed, ku në 37 ndeshje shënoi 18 gola dhe bëri shtatë asistime. Klubi i ri ka siguruar kështu një përforcim të rëndësishëm që do të rrisë konkurrencën në repartin e sulmit.
Nga ana tjetër, sulmuesi shqiptar Taulant Seferi transferohet pas shpërthimit në sezonin e shkuar me Bodrumin, ku shënoi 16 gola dhe dha shtatë asistime. Me këto dy afrime, Kayserispori krijon një dyshe shqiptare në fazën e sulmit.
Burim: Shenja
— Redaksia ZHURMA