Kush qëndron pas projektit 4 miliardë dollarë në Zvërnec e Sazan?
Dokumentet zyrtare zbulojnë dy shtetas katari si pronarë përfundimtarë të kompanisë që zhvillon projektin turistik më të madh në Shqipëri.
TIRANË — Projekti turistik 4 miliardë dollarë në Zvërnec dhe Sazan ka investitorë nga Katari, sipas të dhënave të publikuara në Regjistrin e Pronarit Përfitues. Kompania “Albania Land Development”, e regjistruar në Shqipëri, zotërohet në mënyrë të barabartë nga dy shtetas katari: Mohamad Moataz Mhd Ruslan Alkhayat dhe Ramez Mhd Ruslan Alkhayyat secili me 50% të pronësisë indirekte.
Kontrolli realizohet përmes disa kompanive të regjistruara në Katar, ndër të cilat Assets International LLC, Sazan Land Holding LLC dhe Sazan Real Estate Development LLC. Në strukturën e pronësisë figuron edhe Power International Holding (PIH), një nga grupet më të mëdha private të biznesit në Katar, me investime në ndërtim, pasuri të paluajtshme, turizëm dhe energji.
Autoritetet shqiptare e kanë prezantuar projektin si transformim të zonës në destinacion turistik luksoz me resorte, marina, hotele dhe infrastrukturë moderne. Vlerësimi 4 miliardë dollarë e bën atë një nga investimet më të mëdha turistike të shpallura ndonjëherë në vend.
Burim: Zëri
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.