Kamenicë: KKSB kërkon raport të detajuar për dhunën në familje

Këshilli Komunal për Siguri në Bashkësi në Kamenicë ka mbajtur mbledhjen e radhës nën udhëheqjen e kryetarit të komunës, Kadri Rahimaj, ku është kërkuar që në takimin e ardhshëm të paraqitet një raport më i hollësishëm për rastet e dhunës në familje. Gjatë këtij takimi, komandanti i Stacionit Policor ka njoftuar të pranishmit për gjendjen aktuale të sigurisë dhe angazhimin e forcave rendore në ruajtjen e rendit publik, ndërsa vëmendje e veçantë i është kushtuar edhe zonave rurale të komunës. Siç dihej më parë, kjo trupë është marrë edhe me masat parandaluese ndaj zjarreve, ku është theksuar se shkollat janë të pajisura me aparate dhe personeli ka ndjekur trajnimet e duhura nga zjarrfikësit.