Deçani nis 'Javën e Diasporës' me ansamblin e qytetit
Kryetari i Komunës së Deçanit Bashkim Ramosaj mori pjesë në programin kulturor
DEÇAN — Me një mbrëmje të mbushur me këngë e valle ka nisur manifestimi "Java e Diasporës" në Deçan, ku qytetarët dhe bashkatdhetarët u bënë pjesë e programit kulturor të organizuar për këtë ngjarje. Kryetari i Komunës së Deçanit Bashkim Ramosaj ka njoftuar se hapjen e manifestimit e ka shënuar paraqitja e Ansamblit të Këngëve dhe Valleve "Deçani", së bashku me këngëtarë të kësaj treve.
Manifestimi synon të promovojë kulturën, traditën dhe lidhjen e Deçanit me mërgatën përmes aktiviteteve kulturore e artistike. Ai ka falënderuar qytetarët dhe bashkatdhetarët që morën pjesë në këtë mbrëmje, duke i ftuar ata të jenë pjesë edhe e aktiviteteve të tjera të parapara në kuadër të "Javës së Diasporës".
Burim: Telegrafi, https://telegrafi.com/java-e-diaspores-nis-ne-decan-me-kenge-e-valle/
— Redaksia ZHURMA
