Qeveria paralajmëron mundësinë e blerjes së stazhit
Qytetarët mund të blejnë dy vite stazh për pension
Qeveria po shqyrton mundësinë e blerjes së stazhit për qytetarët që nuk kanë mjaftueshëm stazh për pension. Ky propozim do të vlejë për personat që kanë mbushur moshën e pleqërisë dhe kanë të paktën 13 vite stazh pune. Ministri i Politikës Sociale, Demografisë dhe Rinisë, Gjoko Vellkovski, ka paralajmëruar se qytetarët mund të blejnë deri në dy vite stazh për të fituar të drejtën e pensionit.
Propozimi po shqyrtohet në Qeveri dhe do të punohet në formulën për llogaritjen e shumës që do të duhet të paguajnë qytetarët për ta blerë stazhin. Baza e pagës do të jetë gjysma e pagës mesatare për vitin e kaluar.
Kjo mundësi do të vlejë për qytetarët që tashmë nuk janë të siguruar dhe kanë mbushur 62 vjeç për gra dhe 64 vjeç për burra. Ata do të mund të blejnë stazhin e tyre për të fituar të drejtën e pensionit.