Ish-prokurori: Veliaj në burg është paradoks juridik, ngërçi duhej zgjidhur ligjërisht

Ish-prokurori Eugen Beci e cilësoi paradoks juridik gjendjen e krijuar në Bashkinë e Tiranës, ku kryebashkiaku Erion Veliaj ndodhet në burg prej më shumë se një viti. Ai foli pas largimit të nënkryetares Aurela Ristani dhe shkarkimit të disa zyrtarëve të lartë nga Veliaj.

Beci tha se problemi nuk është vetëm kryetari i bashkisë, por përplasja institucionale e kompetencave që nuk është llogaritur mirë. Sipas tij, legjislacioni shqiptar nuk është i gatshëm të përballojë ndërthurjen e konflikteve administrative, civile dhe penale.

Ai përmendi vendimin e Gjykatës Kushtetuese që e mban Veliajn në detyrë, ndërsa prokuroria kërkon arrest me burg për shpërdorim detyre. Beci theksoi se kjo situatë tregon mungesë totale strategjie, pasi një kryetar bashkie është në burg dhe një gjykatë thotë se ai duhet të jetë në detyrë.