Irena Beqiraj: Sot është turp të jesh socialist

Irena Beqiraj ka shprehur qëndrimin e saj lidhur me situatën politike dhe videot e të rinjve që shihen duke u hequr zvarrë. Ajo thekson se ndien turp për të majtën dhe se karriera e një politikani nuk duhet të matet vetëm nga fitoret që arrin apo reformat që harton, por nga vendimet që merr kur çmimi për të bërë atë që është e drejtë është pikërisht humbja e pushtetit.

Sipas saj, besnikëria politike bie ndesh me përgjegjësinë dhe bindja ndaj autokratit socialist detyron sakrifikimin e integritetit personal. Ajo shton se politika është mision dhe se historia nuk nderon ata që qëndruan më gjatë në pushtet, por ata që patën guximin të mbronin vendin kur të tjerët zgjodhën heshtjen nga frika.