Infantino kërkon falje për projektin FFE — mbetet në krye të FIFA-s
Bordi drejtues dhe sekretari Mattias Grafstrom riafirmuan besimin te presidenti pas mbledhjes së tensionuar në Rabat të Marokut.
RABAT — Presidenti i FIFA-s, Gianni Infantino, ka kërkuar falje për gabimet në promovimin e projektit FIFA Forward Enterprise (FFE), por ruan postin pasi mori mbështetjen e bordit. Në mbledhjen e mbajtur në Rabat, drejtuesit e organizatës dhe sekretari Mattias Grafstrom konfirmuan besimin e plotë ndaj tij.
Projekti FFE parashikonte tërheqjen e investimeve private në turnetë e FIFA-s, përfshirë Kupën e Botës. Sipas raportimeve, Infantino u kishte propozuar federatave nga 40 milionë dollarë në këmbim të mbështetjes, gjë që nxiti reagimin e ashpër të UEFA-s, e cila e cilësoi nismën si të fshehtë.
Në një letër të përbashkët, Infantino dhe Grafstrom u kërkuan ndjesë 211 shoqatave anëtare për menaxhimin e procesit dhe premtuan se gabime të tilla nuk do të përsëriten. Ata pranuan se shoqatat nuk u përfshinë në konsultime, duke theksuar se gjithçka duhej të bëhej ndryshe.
FIFA hodhi poshtë zërat se Infantino i premtoi Marokut finalen e Kupës së Botës 2030 për mbështetje, duke i quajtur ato të rreme. Gjithashtu, organizata theksoi se procesi duhej të bëhej ndryshe, por paralajmëroi se nuk do të tolerojë sulme ndaj integritetit dhe qeverisjes së saj.
Burim: Gazeta Tema
— Redaksia ZHURMA
