IKSHPK regjistron 21 raste të reja me HIV/AIDS dhe 2 vdekje
Rastet u shënuan nga fillimi i janarit deri më 17 korrik, ndërsa autoritetet bëjnë thirrje për testim të hershëm si mundësi për të shpëtuar jetë.
Redaksia ZHURMA · · Përditësuar · 1 min lexim
PRISHTINË — Instituti Kombëtar i Shëndetësisë Publike ka regjistruar 21 raste të reja me HIV/AIDS dhe dy vdekje gjatë periudhës nga 1 janari deri më 17 korrik të këtij viti. Ky institucion ka theksuar se zbulimi dhe testimi i hershëm janë vendimtarë për menaxhimin e virusit.
IKSHPK ka ripërsëritur thirrjen për testim të thjeshtë dhe konfidencial, duke theksuar se marrja e terapisë antiretrovirale mundëson që virusi të mbahet nën kontroll. Virusi HIV dobëson sistemin imunitar, ndërsa AIDS përfaqëson fazën e tij të avancuar.
Sipas institutit, virusi transmetohet përmes marrëdhënieve seksuale të pambrojtura, gjakut të infektuar ose nga nëna te fëmija gjatë shtatzënisë, lindjes apo ushqyerjes me gji. HIV/AIDS nuk transmetohet nga shtrëngimi i duarve, përqafimet apo përdorimi i përbashkët i enëve.
Burim: Kallxo
— Redaksia ZHURMA
