Ibrahimi: Me të gjithë kryeministrat kemi pasur bashkëpunim, vetëm me Kurtin jo
Sazan Ibrahimi kritikon mungesën e bashkëpunimit ndërmjet nivelit qendror dhe atij lokal gjatë qeverisjes aktuale.
Redaksia ZHURMA · · 1 min lexim
Kryetari i Asociacionit të Komunave të Kosovës, Sazan Ibrahimi, ka adresuar kritika për mungesën e bashkëpunimit ndërmjet nivelit qendror dhe atij lokal nën drejtimin e Qeverisë Kurti. Gjatë një paraqitjeje në emisionin «Click» në RTV21, ai ka vënë në dukje dallimet me qeverisjet e kaluara.
Ibrahimi ka përmendur se gjatë mandateve të udhëhequra nga Bajram Rexhepi, Ramush Haradinaj, Hashim Thaçi, Isa Mustafa dhe Avdullah Hoti, komunat kanë pasur komunikim dhe dialog të vazhdueshëm që ka shkuar në favor të qytetarëve.
«Ka dallim të jashtëzakonshëm në raport me qeverisjet e kaluara. Kur e ka udhëhequr qeverinë i ndjeri Bajram Rexhepi, pastaj Ramush Haradinaj, me të cilin kemi bashkëpunuar, ka ardhur Hashim Thaçi – a e dini çfarë bashkëpunimi kemi pasur? Pastaj Isa Mustafa, Avdullah Hoti, në tërë kohën kemi qenë në komunikim», ka deklaruar Ibrahimi.
