Humbje për Kosovën U19 ndaj Maqedonisë së Veriut
Kombëtarja e Kosovës U19 për vajza pëson humbje nga Maqedonia e Veriut në ndeshjen e dytë miqësore.
Redaksia ZHURMA · · 1 min lexim
Përfaqësuesja e Kosovës U19 në futboll për vajza ka regjistruar një humbje kundër Maqedonisë së Veriut me rezultat 3:1. Takimi kontrollues u zhvillua në ambientet e Kampit Nacional të FFK-së në Hajvali.
Në përballjen e parë mes dy ekipeve kombëtare, fituesi nuk ishte përcaktuar pasi sfida u mbyll me barazim 1:1, ndërsa në këtë paraqitje të dytë fitoren e morën futbollistet mysafire.
Sipas njoftimit të Federatës së Futbollit të Kosovës, këto dy ndeshje testuese i kanë shërbyer përzgjedhëses Albina Rrahmani për të testuar zgjedhje të ndryshme dhe për të shqyrtuar gjendjen fizike të lojtareve, para sfidave kualifikuese që Dardanet U19 i presin gjatë muajit të ardhshëm.
