Holanda mposht Greqinë me rezultat të thellë 7:0

Holanda ka shënuar një fitore të thellë 7:0 ndaj Greqisë në kuadër të Grupit A2 të Ligës së Kombeve. Crysencio Summerville e hapi serinë e golave në minutën e gjashtë pas një gabimi të mbrojtësit grek Konstantinos Mavropanos, ndërsa Tijjani Reijnders shkëlqeu duke realizuar tri herë në pjesën e parë. Përveç Reijnders, në listën e golashënuesve u theksuan edhe Jurrien Timber me dy gola, duke shënuar golin e tij të parë me përfaqësuesen holandeze, si dhe Donyell Malen që vulosi rezultatin përfundimtar në pjesën e dytë. Greqia pati mundësi për të ngushtuar rezultatin, por një gol i Fotis Ioannidis u anuluar përmes sistemit VAR për prekje të topit me dorë, ndërsa më vonë goditja e tij përfundoi në shtyllë. Pavarësisht fitores së thellë, Holanda duhet të shmangë humbjen ndaj Gjermanisë për të siguruar vendin e parë në grup, pasi në rast barazimi me pikë vendosin përballjet e drejtpërdrejta. Në renditjen e grupit, Holanda prihet me 11 pikë, Greqia mban vendin e dytë me tetë pikë, sa ka edhe Gjermania në pozitën e tretë, kurse Serbia renditet e fundit pa pikë.