Hoffman: M’u deshën dekada të kuptoja se flirtimi ishte në siklet

Aktori i njohur amerikan Dustin Hoffman ka trajtuar për herë të parë në mënyrë të gjerë akuzat për ngacmim seksual që dolën në dritë në vitin 2017, duke pranuar se sjellja e tij ka vënë disa gra në situata të pakëndshme. Rrëfimi i tij është bërë i ditur përmes autobiografisë së titulluar “Look at Me”, e cila u publikua të martën, më 10 nëntor. Fituesi i dy çmimeve Oscar, 89-vjeçar, shkruan në librin e kujtimeve se në të kaluarën, veçanërisht katër dekada më parë, mund të ketë bërë disa gra të ndiheshin në siklet.

Në vitin 2017, gjashtë gra dolën publikisht me pretendime ndaj Dustin Hoffman, të cilat përfshinin ngacmim seksual, sulm seksual dhe sjellje të pahijshme ndaj një të miture. Një nga gratë kishte pretenduar se ishte sulmuar seksualisht në moshën 17-vjeçare gjatë punës si asistente produksioni në shfaqjen “Vdekja e një shitësi” në vitin 1985, ndërsa një grua tjetër nga i njëjti produksion e akuzoi për ngacmim dhe sulm, kurse një e tretë deklaroi se kishte marrë propozime gjatë një takimi pune. Pas këtyre denoncimeve, Hoffman i kërkoi falje njërës prej grave, ndërsa avokati i tij në atë kohë i quajti pretendimet e dy grave për sulm seksual si “raporte shpifëse”. Lidhur me këto pretendime, ndaj aktorit nuk u ngritën padi apo akuza penale.

Në librin e tij të kujtimeve, Hoffman mohon pretendimet më të rënda, por shprehet se «Jam i sigurt se është e vërtetë që në jetën time, veçanërisht dyzet vjet më parë, i kam bërë disa gra të ndihen në siklet. Por ‘e pakëndshme’ është një gjendje emocionale subjektive». Aktori e përshkruan veten si një person ekscentrik që preferon shakatë e guximshme dhe humorin provokues, duke përmendur edhe një vlerësim nga Bill Murray i cili e kishte quajtur «një sharmant të modës së vjetër me një sens humori pikant». Megjithatë, Hoffman nënvizon se flirtimi dhe shakatë nuk duhet të ngatërrohen me detyrimin e dikujt për të kryer diçka kundër dëshirës së tij. Ai gjithashtu shprehet se e ka mbështetur lëvizjen #MeToo që në fillimet e saj, duke shtuar se «E dija që atëherë se shumë gra në industrinë time kishin duruar shumë, për një kohë shumë të gjatë». Aktori pretenduje se nuk ka marrë kurrë diçka seksualisht nga një person që nuk dëshironte ta jepte.