Albulena Haxhiu premton mbështetje për dokumentimin e kujtesës historike të rezistencës
U diskutua për dokumentimin e torturave dhe dhunës që regjimi i Serbisë ushtroi ndaj të burgosurve shqiptarë.
PRISHTINË — Albulena Haxhiu, ushtruesja e detyrës së Presidentes, ka premtuar mbështetje për dokumentimin e kujtesës historike të rezistencës, në një takim të sotshëm me përfaqësuesit e Shoqatës së Ish të Burgosurve Politikë të Kosovës.
Gjatë takimit u diskutua për dokumentimin e dhunës dhe torturave që regjimi i Serbisë ushtroi ndaj mijëra të burgosurve shqiptarë gjatë dekadave të rezistencës për liri. Haxhiu i siguroi përfaqësuesit se Presidenca, brenda kompetencave të saj, do të jetë pranë nismave për ruajtjen e kujtesës historike.
Në takim u bisedua edhe për sfidat me të cilat përballet shoqata. Ushtruesja e detyrës shprehu vlerësimin e thellë për kontributin e ish të burgosurve politikë në rrugëtimin e Kosovës drejt lirisë dhe pavarësisë.
Burim: Zëri
— Redaksia ZHURMA
