Çfarë kërkon Haradinaj nga opozita?
Ish-kryeministri përjashtëson AAK-në nga qeveria Kurti dhe kërkon bashkim të opozitës për tejkalimin e pengesave.
PRISHTINË — Ish-kryeministri Ramush Haradinaj tha në Pressing se AAK nuk do të jetë pjesë e Qeverisë Kurti. "Ne s'jemi të interesuar të bëhemi pjesë e Qeverisë Kurti, nuk ka AAK kësi ëndrrash", tha Haradinaj, duke shtuar se Kurti "ndoshta e do LDK-në vetëm si material për kontroll total".
Haradinaj kërkon që opozita të bëjë një marrëveshje mes vete dhe të tejkalojë pengesat. "Është më mirë që opozita të bëjë një marrëveshje mes vete… është mirë të tejkalohen disa pengesa, e di që nuk arrihet lehtë sepse edhe në opozitë njerëzit kanë ambicie", tha ai. AAK nuk vendos asnjë kusht për bashkimin e opozitës, duke përfshirë edhe postin e presidentit: "Jo asnjëherë".
Burim: Telegrafi
— Redaksia ZHURMA
