Çfarë pengon Grudën të qëndrojë te Leipzig?
Sulmuesi shqiptar i huazuar te RB Leipzig preferon të vazhdojë në Bundesliga, por klubi anglez kërkon shumën e transferimit të tij.
LEIPZIG — Sulmuesi shqiptar Brajan Gruda e sheh të ardhmen te RB Leipzig edhe për sezonin e ardhshëm. Drejtori sportiv i klubit gjerman, Marcel Schäfer, konfirmoi për Bild se lojtari ka shprehur "sinjale të qarta" për të vazhduar qëndrimin.
22-vjeçari e kaloi gjysmën e dytë të sezonit si i huazuar te Leipzig, ndërsa mbetet nën kontratë me Brighton deri në vitin 2028. Leipzig preferon një tjetër huazim me klauzolë blerjeje të detyrueshme në verën e 2027-s, por Brighton kërkon rreth 30 milionë euro për transferimin e plotë — shuma që pagoi për ta marrë nga Mainz në 2024.
Aktualisht, Leipzig është në pritje të përgjigjes nga klubi anglez për të vazhduar bashkëpunimin me Grudën.
Burim: Telegrafi
— Redaksia ZHURMA