Goditet trafiku i armëve nga SHBA-ja drejt Shqipërisë
Seksioni për Hetimin e Trafiqeve finalizoi operacionin "Delivery", duke kapur një 32-vjeçar që merrte pako me pjesë armësh zjarri.
TIRANË — Seksioni për Hetimin e Trafiqeve ka finalizuar operacionin e koduar "Delivery", duke goditur një tentativë trafiku armësh nga SHBA-ja drejt Shqipërisë. Një 32-vjeçar u kap në flagrancë në një degë postare, në momentin që po merrte një pako me pjesë armësh zjarri.
Gjatë operacionit u sekuestruan 1 tytë arme zjarri, 1 silenciator, 2 krehra dhe pjesë të tyre, si dhe 2 celularë.
Burim: BalkanWeb, https://www.balkanweb.com/goditet-trafiku-i-armeve-nga-shba-ja-drejt-shqiperise-32-vjecari-u-kap-ne-momentin-kur-po-merrte-pakon/
— Redaksia ZHURMA