Pse mendimi ndryshe po dënohet me linçim në rrjete shoqërore?

TIRANË — Në emisionin "Now me Erla Mëhillin", analistja dhe pedagogia Arsejda Gjyli komentoi klimën e debatit publik gjatë protestave në Tiranë, duke e fokusuar shqetësimin në rolin e figurave drejtuese dhe ndikimin e rrjeteve shoqërore në diskursin publik.

Sipas Gjylit, figurat në krye të protestës nuk janë thjesht zëra individualë, por mbartin një peshë të konsiderueshme në diskursin publik. Këto persona, shpesh me kredibilitet dhe formim intelektual, bëhen objekt i vëmendjes dhe gjykimit publik, ku çdo qëndrim apo retorikë e tyre ka ndikim më të gjerë sesa vetë momenti i protestës në sheshin e Tiranës.

Analistja ngritë shqetësimin për ndërtimin e "nocionit të armikut të popullit" në hapësirat digjitale, duke e lidhur këtë me linçimin e mendimeve ndryshe në rrjetet sociale. Sipas saj, kjo klimë e tensionuar ka krijuar një lloj vetëcensure shoqërore, ku individët duhet të masojnë atë që do të thonë përpara se ta artikulojnë këndvështrimin e tyre.

Gjyli theksoi se figurat me kredibilitet në protestë — intelektualët e mirëfilltë — duhet të vlerësohen. "Janë njerëz që kanë mbajtur peshë publike, janë intelektualë të mirëfilltë që patjetër duhet të vlerësohen edhe nga protesta", tha ajo.

Megjithatë, analistja shprehu alarm për dinamikën që po zhvillohet. "Këtu është ndërtuar nocioni i armikut të popullit. Domethënë, të gjithë ata që kanë një mendim ndryshe janë dhunuar, janë linçuar publikisht", tha Gjyli, duke theksuar se "ka pasur një dhunë të tmerrshme në rrjetet sociale".

Kjo e ka detyrueshme shoqërinë të mbahet në vetëcensurë. "Të gjithë ne, përpara se të artikulojmë një mendim personal, e masim atë që do të themi, sepse kemi të bëjmë edhe me këtë histerinë kolektive", përfundoi analistja, duke treguar ndikimin psikologjik të debatit të ashpër në rrjetet sociale gjatë protestave.

Burim: Euronews Albania
— Redaksia ZHURMA