Si e arsyetoi gjykata lirimin e babait të Vasil Jovanovit?
Gjykata Themelore Penale në Shkup vlerësoi parimin e përgjegjësisë personale, duke e shpallur të pafajshëm Zoran Jovanovin.
SHKUP — Gjykata Themelore Penale ka shpallur të pafajshëm Zoran Jovanovin, babain e Vasil Jovanovit, në lidhje me aksidentin ku humbi jetën Frosina Kullakova në bulevardin “Aradhet partizane”.
Sipas aktgjykimit, gjykata vlerësoi se përgjegjësia penale nuk mund të bazohet vetëm në faktin se ai ishte pronar i automjetit, ndërsa djali i tij i rritur e drejtonte atë pa leje drejtimi. Gjykata theksoi parimin e përgjegjësisë personale dhe individuale në të drejtën penale, duke konstatuar se shkaktar i drejtpërdrejtë ishte vetë drejtuesi i automjetit.
Prokuroria gjatë procedurës kishte bërë rikualifikim të veprës penale në “rrezikim të sigurisë në trafik”. Vetë Vasil Jovanovi ishte dënuar më herët për aksidentin.
Burim: Telegrafi
— Redaksia ZHURMA