Gjykata e Durrësit refuzon gjykimin e shkurtuar për Nikoll Radaçin
Çështja e aksidentit fatal në Durrës kalon në gjykim të zakonshëm, ndërsa bie akuza për drejtim të parregullt.
Redaksia ZHURMA · · 1 min lexim
DURRËS — Çështja ndaj 57-vjeçarit Nikoll Radaçi ka kaluar në gjykim të zakonshëm, pasi Gjykata e Durrësit ka rrëzuar kërkesën e mbrojtjes për gjykim të shkurtuar. Ngjarja e rëndë ndodhi në muajin maj, kur tre fëmijë u përplasën nga automjeti që drejtohej nga Radaçi ndërsa ndodheshin në trotuar, duke shkaktuar vdekjen e dy prej tyre dhe plagosjen e një të mituri tjetër.
Gjatë seancës, gjykata ka vendosur gjithashtu të mos pranojë si prova të përdorshme procesverbalin e marrjes së mostrës së gjakut dhe aktin e ekspertimit toksikologjik-ligjor. Këto akte ishin kërkuar nga mbrojtja me pretendimin se analizat provonin se drejtuesi nuk kishte qenë nën efektin e alkoolit në momentin e aksidentit, në kundërshtim me deklarimet e mëparshme të policisë. Njëkohësisht, është vendosur pushimi i akuzës për drejtimin e automjetit në mënyrë të parregullt, pasi kjo vepër penale është përfshirë në amnistinë penale të këtij viti. Radaçi do të përballet me akuzën e shkeljes së rregullave të qarkullimit rrugor me pasojë vdekjen dhe plagosjen.
Lexo edhe
Më shumë →Koleksione · të dhëna të verifikuara
Vazhdo me më të lexuarat sot
Përditësuar