Egzon Gjuka largohet nga Rahoveci pas tre vitesh
Pas tre vjetësh, Gjuka fitoi dy tituj dhe dy Superkupa të Kosovës
PRISHTINË — Një nga hendbollistët më të mirë të Kosovës, Egzon Gjuka, është larguar nga Rahoveci. Gjuka largohet pas tre vitesh nga klubi i "vreshtarëve". Me Rahovecin ka fituar dy tituj dhe dy Superkupa të Kosovës.
Ai ka falënderuar drejtuesit e klubit, Ardian Osa dhe Afrim Deliu, "për besimin, mundësinë dhe bashkëpunimin". "Gjithashtu, falënderoj stafin e trajnerëve dhe të gjithë bashkëlojtarët për kohën, përkushtimin dhe sukseset që arritëm së bashku", është shprehur Gjuka.
Gjuka u shpall hendbollisti më i mirë i vitit 2025 për herë të pestë rresht. Ai është lojtar i rëndësishëm edhe te Kosova. Burim: Koha.net, https://www.koha.net/sporte-te-tjera/pas-tre-vjetesh-gjuka-ndahet-me-rahovecin
— Redaksia ZHURMA