Çfarë tha Gjermania për protestat kundër Ramës?

TIRANË — Qeveria gjermane ka folur për herë të parë zyrtarisht për protestat masive në Shqipëri, duke iu shmangur çdo pozicionimi ndaj kërkesave për largimin e kryeministrit Edi Rama. I pyetur nga Deutsche Welle, zëdhënësi i Ministrisë së Jashtme gjermane, Martin Giese, tha se autoritetet në Berlin janë në dijeni të zhvillimeve, por i cilësoi ato "çështje të brendshme politike" të vendit.

"Njerëzit në Shqipëri kanë të drejtë të protestojnë. Por kjo është një çështje e brendshme politike në Shqipëri," deklaroi Giese, duke shtuar se Berlini nuk mund të japë më shumë informacione për këtë çështje. Kjo deklaratë vjen pas 23 ditësh protesta të vazhdueshme, ku opozita ka kërkuar edhe mbështetjen ndërkombëtare — 5 kërkesat e saj i ka shpallur të panegociueshme.

Burim: Gazeta Express
— Redaksia ZHURMA