Pse Gjermania blen raketa 'Tomahawk' nga ShBA-ja?
Kancelari gjerman Friedrich Merz tha se marrëveshja është nënshkruar për të rritur sigurinë në Evropë
BERLIN — Gjermania do të blejë raketa 'Tomahawk' nga Shtetet e Bashkuara dhe do t'i vendosë ato në territorin e vet, tha të enjten kancelari gjerman, Friedrich Merz. Merzi tha para deputetëve se e ka nënshkruar marrëveshjen me administratën amerikane në margjina të samitit të NATO-s në Ankara, duke shtuar se në takimet e së martës dhe të mërkurës ishin tejkaluar pritjet e tij, raporton agjencia e lajmeve 'Reuters'.
Gjermania e prodhon raketën e vet me drejtim, 'Taurus', por rrezja e saj e veprimit prej rreth 500 kilometrash është tri deri në pesë herë më e shkurtër se ajo e raketës 'Tomahawk'.
Blerja e planifikuar e raketave duket se bie në vijë me thirrjet e presidentit amerikan, Donald Trump, që aleatët evropianë të paguajnë për sigurinë e vet, për shembull duke blerë armë të prodhimit amerikan.
Burim: Nacionale
— Redaksia ZHURMA