Gjashtë traktorë me dru pa dokumentacion konfiskohen në Ferizaj

FERIZAJ — Policia e Ferizajt, në bashkëpunim me Agjencinë e Pyjeve të Kosovës dhe Inspektoratin e Pyjeve, ka zhvilluar më 23 gusht 2026 një aksion të përbashkët për kontrollin e transportit të masës drusore. Aktiviteti ka filluar nga ora 08:00 në kuadër të patrullimit mobil “APK-Polici-Inspektorati i Pyjeve”. Gjatë kontrolleve në tregun javor në fshatin Dardani, janë ndalur gjashtë mjete bujqësore, traktorë me rimorkio, që transportonin dru pa dokumentacionin e nevojshëm. Me asistimin e policisë, mjetet janë shoqëruar tek Agjencia e Pyjeve në Ferizaj, ku është bërë matja dhe pranimi i drurit të konfiskuar. Zyrtarët e Agjencisë kanë përgatitur procesverbalet administrative dhe inspektuese. Policia Rajonale e Ferizajt ka deklaruar se do të vazhdojë bashkëpunimin për parandalimin e prerjes dhe keqpërdorimit të pyjeve.