Arrestohet 16-vjeçari kosovar në Zvicër pas ndjekjes me skuter të vjedhur

Një ngjarje e pazakontë ka ndodhur në Zvicër, ku një 16-vjeçar kosovar me banim në kantoni i Aargaut është arrestuar nga autoritetet policore pas një ndjekjeje në autostradë. Sipas Policisë Kantonale të Cyrihut, ngjarja ka nisur pak para orës 21:30, kur një patrullë policore ka vërejtur të riun duke përdorur telefonin celular teksa drejtonte një skuter në autostradën A1L. Edhe pse efektivët i kanë dhënë sinjal për të ndaluar, adoleshenti ka vazhduar lëvizjen në autostradën A1 në drejtim të Bernës, duke sfiduar urdhrat e policisë.

Gjatë arratisjes së tij, i mituri ka kryer disa shkelje të rregullave të trafikut, përfshirë parakalimin e një autobusi turistik nga ana e djathtë përmes shfrytëzimit të korsisë së emergjencës. Ndjekja ka përafërsisht pak para daljes në Dietikon, ku 16-vjeçari ka humbur kontrollin e mjetit dhe është rrëzuar në tokë. Pas rrëzimit, ai ka bërë përpjekje për t'u larguar në këmbë, por është kapur nga një zyrtar policor pas disa qindra metrash. Sipas raportimeve, i riu nuk ka pësuar lëndime fizike gjatë këtij incidenti.

Gjatë ndjekjes, policia ka zbuluar se i mituri kishte hedhur një qese, në të cilën u gjetën rreth 50 gramë hashash. Hetimet e mëtejshme të kryera nga autoritetet kanë nxjerrë në pah se skuteri që po drejtonte ishte i vjedhur, si dhe se 16-vjeçari nuk posedonte patentë shoferi për të drejtuar mjetin.

Pas arrestimit, rasti i është dorëzuar prokurorisë kompetente për të mitur, ndërsa ndaj të riut pritet të zhvillohen procedurat penale lidhur me veprat e dyshuara penale që rëndojnë mbi të.