Pse Gjykata Speciale i ka bërë vetëm dëm Kosovës sipas Geoffrey Nice?
Ish-prokurori Geoffrey Nice deklaron se Gjykata Speciale e ngritur mbi raportin e Dick Martyt ka ngadalësuar dhe njollosur Kosovën.
PRISHTINË — Ish-prokurori në Tribunalin Ndërkombëtar për Krime Lufte, Geoffrey Nice, ka thënë se Gjykata Speciale do të lërë një njollë në të gjithë Kosovën. Në një intervistë për VOX Kosova, ai deklaroi se procesi i gjatë dhe i stërzgjatur në Hagë nuk i ka sjellë vendit asgjë tjetër përveç dëmit.
Sipas Nice, ky proces nuk e ka lejuar vendin të dalë nga e kaluara dhe të shikojë drejt së ardhmes. Ai ka theksuar se Kosova është ngadalësuar vazhdimisht dhe është njollosur nga këto akuza që janë ngritur gjatë këtij procesi.
Ish-prokurori ka potencuar se problemi me Gjykatën Speciale ka qenë dhe do të mbetet krijimi i saj mbi bazën e raportit të senatorit zviceran, Dick Marty. Sipas tij, raporti nuk përmbante asgjë substanciale për të imponuar krijimin e kësaj gjykate.
Burim: Vox Kosova
— Redaksia ZHURMA