Gazetarja Thaqi-Mehmeti: Ngacmimi i fundit online ishte më i rëndë se i pari

Gazetarja Ardiana Thaqi-Mehmeti ka deklaruar se ngacmimi i fundit online që ka përjetuar gjatë verës ka qenë më i rëndë se rasti i parë, duke u ndalur te rasti “AlbKings” me të cilin është ballafaquar për dy vjet.

“Kjo hera e fundit që më ndodhi këtë verë ka qenë ndoshta më e rëndë se sa herën e parë. Për faktin që unë nuk kam qenë e gatshme të përballem me një version të tillë, jo për shkak të frikës, por për shkak të asaj që ndoshta nuk e kam trajtuar me kohë asaj psikologjikes, asaj brenda meje që ka ndodhur gjatë dy viteve të ballafaqimit me rastin e “AlbKings”-it, pikërisht për shkak se tashmë unë jam prind i dy fëmijëve, kam një familje e cila nuk do t’i përmend as në konferenca për media”, ka thënë ajo.

Deklarata e saj u bë gjatë prezantimit të raportit të Asociacionit të Gazetarëve të Kosovës (AGK), i cili tregon se 61 për qind e grave të anketuara kanë përjetuar abuzim apo ngacmim online gjatë punës së tyre profesionale.

Drejtoresha ekzekutive e AGK-së, Getoarbë Mulliqi, e ka cilësuar këtë shifër si alarmante, duke theksuar se gazetaret shpesh shënjestrohen me informacione të rreme dhe sulme që lidhen me gjininë e tyre.

Burimet: Albeu; Zhurnal.mk; Bota Sot; Epoka e Re; Ekonomia Online (klaster 5 outlets).