Pse u takua Ministri Gashani me karateistët e 'Kaninës'?

— Ministri i Sportit dhe Rinisë, Blerim Gashani, ka takuar me përfaqësuesit e Klubit të Karatesë 'Kanina', për t'i uruar dhe përgëzuar për suksesin e arritur në Kampionatin Mesdhetar të Karatesë. Gjatë takimit, ministri Gashani vlerësoi rezultatet e sportistëve, të cilët përfaqësuan me dinjitet Republikën e Kosovës në arenën ndërkombëtare. Ai theksoi se arritjet e tyre janë krenari për vendin dhe dëshmi e punës, talentit dhe përkushtimit të vazhdueshëm. Karateistja Valeza Gashi fitoi medaljen e bronztë në kategorinë U21 Kumite Female -68 kg, duke siguruar një tjetër sukses për Kosovën në garat ndërkombëtare. Në fund të takimit, Gashani ritheksoi mbështetjen e Ministrisë së Sportit dhe Rinisë për sportistët dhe klubet që përfaqësojnë Kosovën në garat ndërkombëtare, duke theksuar rëndësinë e investimit të vazhdueshëm në zhvillimin e sportit dhe të talenteve të rinj.

Burim: KultPlus, https://kultplus.com/ministri-gashani-pret-karateistet-e-kk-kanina-i-uron-per-suksesin-ne-kampionatin-mesdhetar/

— Redaksia ZHURMA