FSHF miraton orarin e ri të Superligës me katër fasha kohore
Nga sezoni 2026–2027 ndeshjet luhen në 13:30, 16:00, 18:30 dhe 21:00, me planifikim të përshtatur për angazhimet e kombëtares.
TIRANË — Komiteti Ekzekutiv i Federatës Shqiptare të Futbollit miratoi sot shpërndarjen e re të orareve për kampionatet “Abissnet Superiore” dhe Kategorinë e Parë, vendim që hyn në fuqi me fillimin e sezonit 2026–2027.
Sipas rregullores së miratuar, ndeshjet do të zhvillohen në katër fasha të caktuara: 13:30, 16:00, 18:30 dhe 21:00. Në javë pa angazhime të kombëtares, kalendari do të mbulojë premten, shtunën dhe dielën, ndërsa në periudhat me ndeshje kombëtare në mesjavë, garat do të zhvillohen vetëm premte dhe shtunë për të garantuar rikuperimin e futbollistëve.
Vendimi është punuar nga Departamenti i Garave bashkë me Komisionin e Ligave dhe Garave, pas konsultimeve me drejtuesit sportivë të klubeve të dy kampionateve. Në raste organizative të veçanta, Federata rezervon të drejtën të programejë ndeshje edhe të hënën.
Me këtë strukturë, FSHF-së synon të optimizojë kalendarin kombëtar, të përmirësojë kushat për klubet, transmetuesit dhe tifozët, dhe të ngrisë standardin organizativ të futbollit shqiptar.
Burim: Sportekspres
— Redaksia ZHURMA