Familja Arapi në varfëri pas vdekjes së djalit
Babai 63-vjeçar Frrok Arapi kërkon mbështetje shtetërore pasi nusja dhe dy fëmijët jetojnë me 7800 lekë mujorë.
MAMURRAS — Një aksident me motor dy vjet më parë u shndërrua në tragjedi për familjen Arapi nga Mamurrasi: djali i vetëm ndërroi jetë në moshën 32-vjeçare, duke lënë pas dy fëmijë të mitur. Babai i tij, Frrok Arapi, 63 vjeç, mes dhimbjes së madhe dhe përpjekjes për t’u bërë forcë për familjen e tij, rrëfen vështirësitë me të cilat përballen çdo ditë.
Me lot në sy, ai thotë se nusja e djalit dhe dy fëmijët jetojnë në kushte shumë të vështira ekonomike, duke mos përballuar as pagesën e qirasë mujore për shtëpinë. Nëna me dy fëmijët 13 dhe 6 vjeç jetojnë vetëm me 7800 lekë ndihmë sociale në muaj. Sëmundja ia rëndon shëndetin dita-ditës dhe zemra e tij mbetet e plagosur nga humbja e të birit, prandaj 63-vjeçari kërkon më shumë mbështetje nga shteti.
Fëmijët e 32-vjeçarit janë bërë forcë për nënën dhe gjyshërit e tyre, duke jetuar çdo ditë me kujtimin e të atit që u shua tragjikisht. Frrok Arapi mund të kontaktohet në numrin 0675838973. Burim: BalkanWeb
— Redaksia ZHURMA