FSHF mbështet Filip Diallo përballë Xhani Infantinos në zgjedhjet e FIFA-s
Federata Shqiptare e Futbollit dhe federatat e tjera evropiane i kërkojnë presidentit të FFF-së të kandidojë në zgjedhjet e marsit 2027.
Redaksia ZHURMA · · 2 min lexim
Në një takim të drejtuar nga Presidenti i UEFA-s, Aleksander Čeferin, federatat kombëtare të përfaqësuara në Komitetin Ekzekutiv të UEFA-s dhe në Këshillin e FIFA-s i kanë bërë ftesë zyrtare presidentit të Federatës Franceze të Futbollit, Philippe Diallo, për të marrë pjesë në garën për kreun e institucionit botëror të futbollit. Në këtë grup të udhëhequr nga Čeferin bën pjesë edhe presidenti i FSHF-së, Armand Duka, ndërsa mbështetja për kreun e FFF-së vjen në muajin e zgjedhjeve të planifikuara për në mars 2027.
Philippe Diallo ka mbajtur më parë role drejtuese në organizatën e klubeve profesioniste franceze, në bordin e Ligës Profesioniste Franceze, si dhe në strukturat e FIFA-s për zgjidhjen e mosmarrëveshjeve, përpara se të merrte drejtimin e federatës franceze dhe të bëhej anëtar i Ekzekutivit të UEFA-s në vitin 2023. Gjatë takimit, federatat shprehën shqetësime për drejtimin aktual të FIFA-s dhe kërkuan standarde të larta qeverisjeje e bashkëpunim të ngushtë.
Pas ftesës së marrë nga përfaqësuesit e futbollit evropian, Philippe Diallo e ka pranuar kandidaturën për zgjedhjet presidenciale. Pritet që hapi i radhës të ndodhë në mbledhjen e Komitetit Ekzekutiv të Federatës Franceze të Futbollit, ku kandidatura e tij do të kalojë për ratifikim zyrtar.
Lexo edhe
Më shumë →Koleksione · të dhëna të verifikuara
Vazhdo me më të lexuarat sot
Përditësuar