Florela dhe Flori Çoçaj publikojnë këngën e re “Bjer o shi”

Skena muzikore shqiptare është pasuruar me një projekt të ri familjar, ku këngëtari i njohur Flori Çoçaj ka bashkuar talentin dhe zërin e tij me vajzën, Florela Çoçaj, për të sjellë këngën e titulluar “Bjer o shi”. Ky projekt shënon një moment të rëndësishëm për artisten e re, duke i dhënë asaj një hapësirë të veçantë për t'u prezantuar para publikut përmes një interpretimi që sjell emocion dhe lidhjen mes babait dhe bijës.

Për sa i përket punës artistike dhe teknike të projektit, tekstin dhe muzikën i ka realizuar vetë Flori Çoçaj, ndërsa orkestrimi i është besuar Nexhat Mujovi – Virusit. Videoklipi është realizuar nga MProduction, me Flori Çoçaj në cilësinë e producentit ekzekutiv, kurse publikimi i këngës është bërë nga Baresha Network.