Filloi Liga e Parë në futbollin e Maqedonisë së Veriut
Sezoni 2026/2027 do të ketë dhjetë ekipe, dy më pak se vitet e kaluara
SKOPJË — Liga e Parë e futbollit në Maqedoninë e Veriut këtë javë do të zhvillojë xhiron e parë për sezonin 2026/2027, sezon i cili do të ketë ndryshime. Këtë vit do të garojnë vetëm dhjetë ekipe, dy më pak se vitet e kaluara.
Ndeshja e parë u zhvillua në Kavadari, ku Tikveshi arriti të shpartallon Arsimin me rezultat 5:1. Sot do të përballen dy ndeshje tjera, Struga kundër Shkëndijës dhe Vardari kundër Bregallnicës.
Të dy ndeshjet do të fillojnë në ora 17:00. Xhiro e parë do të përmbyllet të dielën me dy ndeshjet tjera. Sileksi do të pret Bashkimin prej orës 17:00, ndërsa Shkëndija do të pret Skopjen prej orës 19:00.
Në krahasim me vitin e kaluar kur luheshin nga gjashtë ndeshje në çdo xhiro, këtë vit do të luhen vetëm pesë ndeshje. Ekipet që do të luajnë këtë vit në Ligën e Parë janë: Shkëndija, Struga, Bashkimi, Arsimi, Shkëndija e Haraçinës, Vardari, Bregallnica, Skopje, Sileksi dhe Tikveshi.
Për herë të parë në Ligën e Parë u kualifikua Shkëndija e Haraçinës, ndërsa ndeshjet pritet t’i zhvillojë në stadiumin e Çairit. Ndryshe, pas shumë vitesh, ekipet shqiptare nuk arritën të marrin asnjë trofe brenda një sezoni futbolli, pasi kampion i Ligës së Parë në sezonin 2025/2026 u shpall Vardari, ndërsa Sileksi e fitoi Kupën e Maqedonisë së Veriut.
Burim: Portaleb
— Redaksia ZHURMA