Sa ekipe do të ketë Botërori i vitit 2030?

FIFA po shqyrton mundësinë e një Botërori me 64 ekipe, një zgjerim i mëtejshëm që mund të vihet në zbatim që në Kampionatin Botëror të vitit 2030. Kjo hipotezë vjen pas edicionit të vitit 2026, i cili ishte i pari në histori që përfshiu 48 ekipe pjesëmarrëse.

Presidenti i FIFA-s, Xhani Infantino, argumenton se rritja e numrit të ekipeve e ka rritur cilësinë e turneut. Sipas tij, një format i tillë i jep mundësinë më shumë kombëtareve të vogla të përjetojnë një nga turnetë më të rëndësishëm të botës së futbollit.

Infantino beson se kualifikimi i kombeve më të vogla do të ndihmonte në zhvillimin e tyre sportiv. Mbetet për t’u parë nëse kjo ide do të miratohet zyrtarisht apo do të mbetet vetëm një hipotezë në letër, ndërsa zgjerimi i Kupës së Botës vazhdon të jetë temë diskutimi.

Burim: Sportekspres
— Redaksia ZHURMA