Çfarë sjell edicioni i tretë i festivalit 'Kah Drita' në Junik?
Si do të ndërthuret trashëgimia kulturore me artin dhe teknologjinë në bjeshkët e Junikut?
JUNIK — Fondacioni Kosovar Trashëgimia Kulturore pa Kufij (CHwB Kosova) organizon më 4 dhe 7 korrik 2026 edicionin e tretë të festivalit "Kah Drita", këtë vit i dedikuar transhumancës — traditës shekullore të lëvizjes sezonale të blegtorëve në bjeshkë.
Më 4 korrik në Valavicë, programi nis me punëtori edukative mbi inteligjencën artificiale dhe aktivitete për fëmijë. Dokumentari "Stina e Stanit" shfaqet pasdite, me bisedë me autoret. Mbrëmja sjell hapjen zyrtare, përurimin e Ballkonit Panoramik në Gjocaj dhe muzikë nga Dukagjin Muhaxheri Quartet dhe Peppa Marriti Band.
Më 7 korrik, vizitë njëditore në stanin e familjes Krasniqi: ecje në kullota, njohje me blegtorinë, përgatitje e produkteve tradicionale të qumështit, drekë me këngë bjeshke nga Ansambli i Deçanit. Organizatorët synojnë promovimin e trashëgimisë, dialogun për ruajtjen e traditave dhe lidhjen e komunitetit me natyrën.
Burim: Telegrafi
— Redaksia ZHURMA
