FC Suhareka prezanton Kryesinë e re
Jetmir Bytyqi president, Bashkim Ndrecaj drejtor menaxhues
SUHAREKË — FC Suhareka ka bërë publike përbërjen e re të Kryesisë dhe Bordit Drejtues të klubit, duke theksuar se angazhimi i ri synon të sjellë suksese të reja për skuadrën. Në krye të klubit është emëruar president Jetmir Bytyqi, ndërsa pozitën e drejtorit menaxhues do ta mbajë Bashkim Ndrecaj.
Për drejtor sportiv është caktuar Drilon Berisha. Bordi Drejtues i FC Suharekës përbëhet nga: Besim Kuçi, Agim Kuçi, Fazli Cikaqi, Jeton Gashi, Burim Kuçi, Blerjan Kuçi, Fatbardh Gashi.
Klubi ka bërë të ditur se me punë, përkushtim dhe bashkëpunim synojnë ta çojnë FC Suharekën drejt rezultateve dhe sukseseve të reja, duke falënderuar tifozët dhe mbështetësit për përkrahjen e vazhdueshme. “Për ty, Suharekë!”, thuhet në njoftimin e klubit.
Burim: Epoka e Re, https://www.epokaere.com/2026/07/28/fc-suhareka-prezanton-kryesine-dhe-bordin-e-ri-drejtues/
— Redaksia ZHURMA