Familja Türker donon për dy fushë futbolli në Luginën e Preshevës

Familja Türker u bashkua projektit të Federatës Shqiptare të Futbollit për ndërtimin e dy fushave moderne të futbollit në Luginën e Preshevës, duke bërë kontributin financiar të parë për realizimin e tij. Një fusha do të ndërtohet në Komunën e Preshevës dhe një tjetër në Komunën e Bujanocit, me qëllim të krijuar mundësish më të mëdha për fëmijët dhe të rinjtë e rajonit. Familja, me rrënjë të hershme në këto troje, shprehi kënaqësinë dhe krenarinë për mundësinë të kontribuojë konkretisht në zhvillimin e sportit dhe të rinjve në Bujanoc dhe Preshevë. Kontributi realizohet nën udhëheqjen e djemve të themeluesit, Sabredin Türker, Tamer dhe Faruk Türker, me mbështetjen e xhaxhait të tyre, Kadri Türker, ndërsa z. Tamer Türker do të përfaqësojë familjen në kuadër të projektit.