Ku do të ndikojë Eurolind Avdimetaj te Prishtina?

PRISHTINË — Prishtina ka zyrtarizuar transferimin e portierit Eurolind Avdimetaj, i cili është përforcimi më i ri i skuadrës bardhekaltër në prag të sezonit të ri. Avdimetaj, portieri 196 centimetra i gjatë, i bashkohet klubit kryeqytetas pas eksperiencave me Besën, Istogun dhe Suharekën.

Pas prezantimit zyrtar, Avdimetaj nuk e fshehu entuziazmin për transferimin te Prishtina, duke e cilësuar këtë hap si një moment të veçantë në karrierën e tij. Nga ana e saj, Prishtina i ka uruar mirëseardhje portierit të ri, duke i dëshiruar suksese dhe një rrugëtim të suksesshëm me fanellën bardhekaltër.

Me afrimin e Avdimetajt, Prishtina vazhdon përforcimin e skuadrës për edicionin e ri, duke shtuar konkurrencën edhe në repartin e portës. Burim: Telegrafi
— Redaksia ZHURMA