Ergys Agasi pyetet nga BKH, pritet të duket në Gjykatën e Posaçme për masën e sigurisë
Pas arrestimit, biznesmeni po pyetet nga BKH dhe do të paraqitet për masën 'arrest me burg'; arrestuar edhe Ulian Shpataraku, ish-zyrtar policie i afërt me Ilir Prodën; hetimet zgjerohen ndaj të tjerëve që mund ta kanë ndihmuar.
Ergys Agasi, i shpallur në kërkim nga SPAK për dosjen e AKSHI-së, po merret aktualisht në pyetje nga oficerët e Byrosë Kombëtare të Hetimit (BKH), sipas gazetares Klodiana Lala. Pas procedurave në BKH, ai pritet të paraqitet në Gjykatën e Posaçme kundër Korrupsionit dhe Krimit të Organizuar, ku do të njihet me kërkesën për masën e sigurisë "arrest me burg".
https://www.instagram.com/reel/DchMrepoWW3/
Në të njëjtin operacion policor u arrestua edhe Ulian Shpataraku, ish-zyrtar i Policisë së Shtetit, që konsiderohet person i besuar i ish-drejtorit të policisë, Ilir Proda. Prokuroria e Posaçme ka shtrirë hetimet edhe te personat e tjerë ose bashkëpunëtorët që dyshohet se e mbështetën Agasin gjatë periudhës së arratisë. Kontrolllet dhe veprimet operative vijojnë për identifikimin dhe kapjen e tyre.