Arrestohet 37-vjeçari në Bulqizë, sekuestrohen 215 bimë kanabisi

Policia e Bulqizës ka arrestuar në flagrancë një 37-vjeçar, i cili dyshohet se kultivonte bimë narkotike. Gjatë operacionit të koduar "Indicia", u zbuluan 2 parcela në fshatin Okshtun i Vogël, njësia administrative Ostren, ku u gjetën dhe u asgjësuan 215 bimë të dyshuara Cannabis Sativa.

I arrestuari, shtetasi S. K., 37 vjeç, banues në Kamëz, Tiranë, u kap në flagrancë në zonën ku ishin kultivuar bimët. Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Dibër për veprime të mëtejshme.

Policia njofton se vijojnë hetimet për dokumentimin e plotë të rastit dhe për bashkëpunëtorë të tjerë.