Nxënësit shqiptarë shumicë në shkollat fillore të Butelit

SHKUP — Sipas të dhënave zyrtare të Entit Shtetëror për Statistikë, nga gjithsej 5.276 nxënës që kanë ndjekur vitin shkollor 2024/2025 në shkollat fillore të Komunës së Butelit, 2.971 nxënës, apo 56,31 për qind, janë me përkatësi etnike shqiptare. Këtë e ka bërë të ditur Faruk Nevzati, duke theksuar se ky numër vendos komunitetin shqiptar në vendin e parë për numrin e nxënësve në shkollat fillore të komunës, në kohë kur shumë komuna përballen me rënie të numrit të nxënësve. Nevzati vlerëson se të dhënat janë tregues i rëndësishëm i ndryshimeve në strukturën demografike të komunës.